ਵੈਸਟ ਬਰਮਵਿੱਚ:- ਖਬਰ ਅਨੁਸਾਰ 2 ਜਨਵਰੀ ਤੋਂ ਲਾਪਤਾ 20 ਸਾਲਾ ਨੌਜੁਆਨ ਗੁਰਦੀਪ ਸਿੰਘ ਹੇਅਰ ਜੋ ਕਿ ਵੈਸਟ ਬਰਮਵਿੱਚ ਦਾ ਰਹਿਣ ਵਾਲਾ ਹੈ ਦਾ ਮੈਨਚੈਸਟਰ ਵਿੱਚ ਕਤਲ ਕਰ ਦਿੱਤਾ ਗਿਆ। ਗੁਰਦੀਪ ਸਿੰਘ ਹੇਅਰ ਬਿਜ਼ਨਸ ਦੀ ਪੜਾਈ ਕਰਦਾ ਸੀ ਤੇ ਉਹ 5 ਫੁੱਟ 11 ਇੰਚ ਲੰਮਾ ਸੀ। ਉਹ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ ਅਤੇ ਇਸ ਘਟਨਾ ਨਾਲ ਪਰਿਵਾਰ ਵਿੱਚ ਬਹੁਤ ਹੀ ਸੋਗ ਹੈ। ਪਿਛਲੇ ਇੱਕ ਮਹੀਨੇ ਵਿੱਚ ਮੈਨਚੈਸਟਰ ਵਿੱਚ ਏਸ਼ੀਅਨ ਦੇ ਕਤਲ ਹੋਣ ਦੀ ਇਹ ਦੂਸਰੀ ਘਟਨਾ ਹੈ। ਯਾਦ ਰਹੇ ਕਿ ਬੀਤੇ ਦਿਨੀਂ ਲੰਕੇਸਟਰ ਯੂਨੀਵਰਸਿਟੀ ਦਾ ਵਿਦਿਆਰਥੀ ਅਨੁਜ ਬਿਦਵੈ ਜੋ ਕਿ ਲੰਡਨ ਤੋਂ ਮੈਨਚੈਸਟਰ ਕ੍ਰਿਸਮਿਸ ਦਾ ਤਿਉਹਾਰ ਮਨਾਉਣ ਲਈ ਆਇਆ ਸੀ, ਦਾ ਕ੍ਰਿਸਮਿਸ ਤੇ ਬਾਕਸਿੰਗ ਡੇਅ ਵਿਚਲੀ ਰਾਤ ਨੂੰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਜਿਸ ਦਾ ਅਜੇ ਤੱਕ ਪੁਲਿਸ ਦੇ ਹੱਥ ਕੋਈ ਠੋਸ ਸਬੂਤ ਨਹੀ ਲੱਗਿਆ ਹੈ ਅਤੇ ਪੁਲਿਸ ਸ਼ੱਕੀ ਅਨਸਰਾਂ ਤੋਂ ਪੁੱਛ ਪੜਤਾਲ ਕਰ ਰਹੀ ਹੈ। ਇਹ ਦੂਸਰੀ ਵੱਡੀ ਘਟਨਾ ਹੋਣ ਨਾਲ ਏਸ਼ੀਅਨ ਕਮਿਉਨਟੀ ਵਿੱਚ ਇੱਕ ਖਾਸ ਕਿਸਮ ਦਾ ਡਰ ਜਿਹਾ ਪੈਦਾ ਹੋ ਗਿਆ ਹੈ ਅਤੇ ਏਸ਼ੀਅਨ ਲੋਕ ਆਪਣੇ ਬੱਚਿਆਂ ਲਈ ਵਧੇਰੇ ਚਿੰਤਤ ਹਨ ਜੋ ਕਿ ਇਹਨਾਂ ਨਸਲੀ ਹਮਲਿਆਂ ਦਾ ਵਧੇਰੇ ਸ਼ਿਕਾਰ ਹੋ ਰਹੇ ਹਨ। ਵੈਸਟ ਬਰਮਵਿੱਚ ਦੇ ਗੁਰਦੀਪ ਸਿੰਘ ਹੇਅਰ ਦਾ ਵੀ ਭੇਦਭਰੀ ਹਲਾਤ ਵਿੱਚ

Read more...

ਬ੍ਰਮਿੰਘਮ:- ਬੀਤੀ 27-12-2011 ਦਿਨ ਮੰਗਲਵਾਰ ਨੂੰ ਵੁਲਵਰਹੈਂਪਟਨ ਦੇ ਸੈਜਲੀ ਸਟਰੀਟ ਦੇ ਗੁਰੂ ਨਾਨਕ ਗੁਰਦੁਆਰਾ ਵਿਖੇ ਇੰਗਲੈਂਡ ਦੇ ਸਮੂੰਹ ਕਬੱਡੀ ਫੈਡਰੇਸ਼ਨ ਦੇ ਮੈਂਬਰ ਦੀ ਮੀਟਿੰਗ ਹੋਈ। ਇਸ ਮੀਟਿੰਗ ਵਿੱਚ ਹਾਜ਼ਰ ਹੋਏ ਭਜਨ ਸਿੰਘ ਭੱਜੀ (ਪ੍ਰਧਾਨ), ਜਸਵਿੰਦਰ ਸਿੰਘ ਸਹੋਤਾ ‘ਨਿੰਦੀ‘ (ਚੇਅਰਮੈਨ), ਬਹਾਦਰ ਸਿੰਘ ਸ਼ੇਰਗਿੱਲ, ਸਾਬਕਾ ਪ੍ਰਧਾਨ ਲਹਿੰਬਰ ਸਿੰਘ, ਸੁਰਿੰਦਰ ਸਿੰਘ ਮਾਣਕ, ਹਰਨੇਕ ਸਿੰਘ ਨੇਕਾ ਬ੍ਰਮਿੰਘਮ, ਅਮਰੀਕ ਸਿੰਘ ਬੋਪਾਰਾਏ, ਅਮਰੀਕ ਸਿੰਘ ਘੁੱਦਾ, ਪਿਆਰਾ ਸਿੰਘ ਰੰਧਾਵਾ, ਬਲਵਿੰਦਰ ਸਿੰਘ ਚੱਠਾ, ਜਸਪਾਲ ਸਿੰਘ ਪਾਲੀ, ਡਰਬੀ ਤੋਂ ਚਰਨ ਸਿੰਘ ਬੋਲਾ, ਸਲੋਹ ਤੋਂ ਸ਼ੀਰਾ, ਕਵੈਂਟਰੀ ਤੋਂ ਬਲਵਿੰਦਰ ਸਿੰਘ ਬਿੰਦਾ ਅਤੇ ਹੋਰ ਵੀ ਕਬੱਡੀ ਫੈਡਰੇਸ਼ਨ ਦੇ ਮੈਂਬਰਾਂ ਨੇ ਇਸ ਮੀਟਿੰਗ ਵਿੱਚ ਹਿੱਸਾ ਲਿਆ। ਜਿਸ ਮੀਟਿੰਗ ਵਿੱਚ ਮੈਂਬਰਾਂ ਵੱਲੋਂ ਪਿਛਲੇ ਸਾਲ ਹੋਏ ਕੱਪਾਂ ਦੀ ਅਤੇ ਹੁਣੇ ਬੀਤੀ ਦਿਨੀਂ ਪੰਜਾਬ ਵਿੱਚ ਹੋਏ ਵਿਸ਼ਵ ਕਬੱਡੀ ਕੱਪ ਬਾਰੇ ਖੁੱਲ੍ਹ ਕੇ ਚਰਚਾ ਕੀਤੀ ਗਈ ਅਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਚਰਚਾ ਦੌਰਾਨ ਇਹ ਵੀ ਗੱਲ ਸਾਹਮਣੇ ਆਈ ਕਿ ਪੰਜਾਬ ਵਿੱਚ ਹੋਏ ਵਿਸ਼ਵ ਕਬੱਡੀ ਕੱਪ ਤੇ ਪਹੁੰਚੇ ਇੰਗਲੈਂਡ ਦੇ ਕਬੱਡੀ ਫੈਡਰੇਸ਼ਨ ਦੇ ਮੈਂਬਰਾਂ ਨੂੰ ਉਹਨਾਂ ਦੇ ਪੰਜਾਬ ਵਿੱਚ ਪਹੁੰਚਣ ਤੇ ਉਚਿਤ ਸਨਮਾਨ ਨਹੀ ਦਿੱਤਾ ਗਿਆ ਤੇ ਅਣਗੌਲਿਆ ਕਰਨ ਤੇ ਕਬੱਡੀ ਫੈਡਰੇਸ਼ਨ ਵੱਲੋਂ ਰੋਸ ਪ੍ਰਗਟ ਕੀਤਾ ਗਿਆ। ਇਸੇ ਤਰ੍ਹਾਂ ਖਿਡਾਰੀਆਂ ਦੇ ਪ੍ਰਦਰਸ਼ਨ ਨੂੰ ਲੈ ਕੇ ਵੀ ਚਰਚਾ ਕੀਤੀ ਗਈ ਅਤੇ ਇਹ ਵੀ ਦੇਖਣ ਵਿੱਚ ਆਇਆ ਕਿ ਪੰਜਾਬ ਵਿੱਚ ਵਿਸਵ ਕਬੱਡੀ ਕੱਪ ਲਈ ਖੇਡਣ ਗਏ ਇੰਗਲੈਂਡ ਦੇ ਖਿਡਾਰੀਆਂ ਦਾ ਪ੍ਰਦਰਸ਼ਨ ਵੀ ਕੁੱਝ ਠੀਕ ਨਹੀ ਰਿਹਾ

Read more...

ਸਮੈਦਿਕ:- ਪਿਛਲੇ ਬੀਤੇ ਐਤਵਾਰ ਮਿਤੀ 11 ਦਸੰਬਰ 2011 ਨੂੰ ਗੁਰਦੁਆਰਾ ਬਾਬਾ ਸੰਗ ਜੀ ਸਮੈਦਿਕ ਵਿੱਚ ਹੋਈਆਂ ਗੁਰੂ ਘਰ ਦੀਆਂ ਚੋਣਾਂ ਵਿੱਚ ਖੰਡਾ ਗਰੁੱਪ ਦੀ ਜਿੱਤ ਹੋਈ। ਇਸ ਤੇ ਗੁਰੂ ਘਰ ਦੀ ਨਵੀ ਪ੍ਰਬੰਧਕ ਕਮੇਟੀ ਦਾ ਗਠਨ ਸਰਬਸੰਮਤੀ ਨਾਲ ਕੀਤਾ ਗਿਆ। ਗੁਰੂ ਘਰ ਦੀ ਬਣੀ ਨਵੀ ਪ੍ਰਬੰਧਕ ਕਮੇਟੀ ਦੇ ਮੁੱਖ ਸੇਵਾਦਾਰ ਸ. ਪਰਮਜੀਤ ਸਿੰਘ ਢਿੱਲੋਂ (ਪ੍ਰਧਾਨ) ਅਤੇ ਸਮੂੰਹ ਕਮੇਟੀ ਨੇ ਗੁਰਦੁਆਰਾ ਬਾਬਾ ਸੰਗ ਜੀ ਸਮੈਦਿਕ ਦਾ ਚਾਰਜ ਸੰਭਾਲਿਆ ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਅਪਾਰ ਬਖਸ਼ਿਸ਼ ਤੇ ਸ਼ੁਕਰਾਨਾ ਕਰਦੇ ਹੋਏ ਸਮੂੰਹ ਸੰਗਤਾਂ ਦਾ ਕੋਟ-ਕੋਟ ਵਾਰ ਧੰਨਵਾਦ ਕੀਤਾ। ਸ. ਪਰਮਜੀਤ ਸਿੰਘ ਢਿੱਲੋਂ ਨੇ ਸੰਗਤਾਂ ਨੂੰ ਦੱਸਦਿਆਂ ਕਿਹਾ ਕਿ ਨਵੀਂ ਬਣੀ ਕਮੇਟੀ ਗੁਰੂ ਘਰ ਦੇ ਅਧੂਰੇ ਪਏ ਕੰਮਾਂ ਨੂੰ ਨੇਪਰੇ ਚਾੜ੍ਹਨ ਲਈ ਵਚਨਬੱਧ ਹੋਵੇਗੀ ਜਿਵੇਂ ਕਿ ਸੱਚਖੰਡ ਸਾਹਿਬ ਦੀ ਤਿਆਰੀ ਅਤੇ ਗੁਰੂ ਘਰ ਦੇ 2 ਕਮਰੇ ਵਿਆਹ ਸ਼ਾਦੀਆਂ ਅਤੇ ਹੋਰ ਪਾਰਟੀਆਂ ਵਾਸਤੇ ਗੁਰੂ ਅਤੇ ਸਮੂੰਹ ਸੰਗਤ ਦੇ ਸਹਿਯੋਗ ਨਾਲ ਜਲਦੀ ਤੋਂ ਜਲਦੀ ਤਿਆਰ ਕੀਤੇ ਜਾਣਗੇ ਤਾਂ ਜੋ ਇਸ ਗੁਰੂ ਘਰ ਨੂੰ ਹੋਰ ਵੀ ਮਾਲੀ ਸਹਾਇਤਾ ਮਿਲ ਸਕੇ ਅਤੇ ਗੁਰੂ ਘਰ ਨੂੰ ਤਰੱਕੀ ਦੀ ਬੁਲੰਦੀ ਤੇ ਲਿਜਾਇਆ ਜਾ ਸਕੇ।
ਇਸ ‘ਤੇ ਭਾਈ ਰੇਸ਼ਮ ਸਿੰਘ ਨੇ ਨਵੀ ਬਣੀ ਕਮੇਟੀ ਦੇ ਪ੍

Read more...

ਮੁੰਦਿਲ ਨੂੰ ਬਚਾਉਣ ਲਈ ਰਵੀ 21 ਸਾਲ ਜੇਲ੍ਹ ਜਾਣ ਲਈ ਸੀ ਤਿਆਰ

ਗਗਨਦੀਪ ਸਿੰਘ ਤੇ ਮੁੰਦਿਲ ਮਾਹਲ
ਲੰਡਨ/ਬਰਮਿੰਘਮ.- ਸਿੱਖ ਟੀ ਵੀ ਦੇ ਸਾਬਕਾ ਡਾਇਰੈਕਟਰ ਗਗਨਦੀਪ ਸਿੰਘ ਦੇ ਕਤਲ ਕੇਸ ਦੀ ਸੁਣਵਾਈ ਦੌਰਾਨ ਕਾਫੀ ਕੁਝ ਸਾਹਮਣੇ ਆ ਰਿਹਾ ਹੈ, ਜਿਸ ਅਨੁਸਾਰ ਓਲਡ ਬੈਲੀ ਅਦਾਲਤ ਵਿਚ ਨਿੱਤ ਨਵੇਂ ਖੁਲਾਸੇ ਹੋ ਰਹੇ ਹਨ। ਅਦਾਲਤ ਵਿਚ ਚੱਲ ਰਹੀ ਸੁਣਵਾਈ ਦੌਰਾਨ ਮੁੰਦਿਲ ਮਾਹਲ ਦੀ ਦੋਸਤ ਲਾਈਵ ਥੌਰਟਨ ਨੇ ਦੱਸਿਆ ਹੈ ਕਿ ਉਸ ਸ਼ਾਮ ਘਰ ਪਹੁੰਚਣ ‘ਤੇ ਉਸ ਨੇ ਗਗਨਦੀਪ ਨੂੰ ਮਾਰਨ-ਕੁੱਟਣ ਦੀਆਂ ਅਵਾਜ਼ਾਂ ਸੁਣੀਆਂ ਸਨ। ਇਸ ਬਾਰੇ ਥੌਰਟਨ ਨੇ ਨਾਰਵੇ ਸਥਿਤ ਆਪਣੇ ਮਾਪਿਆਂ ਨੂੰ ਵੀ ਦੱਸਿਆ, ਜਿਨ੍ਹਾਂ ਨੇ ਪੁਲਿਸ ਕੋਲ ਜਾਣ ਦੀ ਸਲਾਹ ਦਿੱਤੀ ਸੀ। ਮੁੰਦਿਲ ਪਤਾ ਨਹੀਂ ਕਿਉਂ ਪੁਲਿਸ ਕੋਲ ਜਾਣ ਤੋਂ ਕਤਰਾ ਰਹੀ ਸੀ, ਜਦ ਥੌਰਟਨ ਨੇ ਉਸ ਨੂੰ ਪੁੱਛਿਆ ਕਿ ਕੀ ਉਹ ਰਵੀ ਨੂੰ ਬਚਾਉਣਾ ਚਾਹੁੰਦੀ ਹੈ ਤਾਂ ਮੁੰਦਿਲ ਨੇ ਉਸ ਨੂੰ ਦੱਸਿਆ ਕਿ ਰਵੀ ਤਾਂ ਉਸ ਨੂੰ ਕਹਿੰਦਾ ਸੀ ਕਿ ਉਹ ਉਸ ਨੂੰ (ਮੁੰਦਿਲ ਨੂੰ) ਬਚਾਉਣ ਲਈ 21 ਸਾਲ ਜੇਲ੍ਹ ਜਾਣ ਲਈ ਤਿਆਰ ਸੀ।

Read more...

ਲੰਡਨ-ਤਾਜ਼ਾ ਅੰਕੜਿਆਂ ਅਨੁਸਾਰ ਆਉਂਦੇ 16 ਸਾਲਾਂ ਵਿਚ ਇੰਗਲੈਂਡ ਦੀ ਜਨ ਸੰਖਿਆ 700 ਲੱਖ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ, ਜਿਸ ਦਾ ਵੱਡਾ ਕਾਰਨ ਵਿਦੇਸ਼ਾਂ ਵਿਚੋਂ ਆਉਣ ਵਾਲੇ ਲੋਕਾਂ ਨੂੰ ਮੰਨਿਆਂ ਜਾ ਰਿਹਾ ਹੈ। ਰਿਪੋਰਟਾਂ ਅਨੁਸਾਰ ਜਨ ਸੰਖਿਆ ਵਿਚ ਵਾਧਾ ਕਰਨ ਵਾਲਾ ਦੋ ਤਿਹਾਈ ਹਿੱਸਾ ਵਿਦੇਸ਼ਾਂ ਤੋਂ ਇੰਗਲੈਂਡ ਆ ਕੇ ਵੱਸਣ ਵਾਲੇ ਲੋਕਾਂ ਦਾ ਹੋਵੇਗਾ। ਇਸ ਵੱਧਦੀ ਜਨ ਸੰਖਿਆ ਨੂੰ ਰੋਕਣ ਲਈ ਇੰਮੀਗ੍ਰੇਸ਼ਨ ‘ਤੇ ਰੋਕ ਲਾਉਣ ਸਬੰਧੀ ਮਾਈਗ੍ਰੇਸ਼ਨ ਵਾਚ ਯੂ. ਕੇ. ਈ. ਪਟੀਸ਼ਨ ਰਾਹੀਂ ਦਬਾਅ ਪਾਇਆ ਜਾ ਰਿਹਾ ਹੈ ਇਸ ਆਨ ਲਾਇਨ ਈ ਪਟੀਸ਼ਨ ‘ਤੇ ਬੀਤੇ ਹਫਤੇ ਇਕ ਲੱਖ ਲੋਕਾਂ ਵੱਲੋਂ ਦਸਤਖ਼ਤ ਕੀਤੇ ਗਏ। ਯੂ ਗੌਵ ਸਰਵੇਖਣ ਅਨੁਸਾਰ ਇੰਗਲੈਂਡ ਦਾ ਹਰ ਚੌਥਾ ਜਾਂ ਪੰਜਵਾਂ ਵਿਅਕਤੀ ਸੋਚ ਰਿਹਾ ਹੈ ਕਿ ਦੇਸ਼ ਵਿਚ ਬਹੁਤ ਭੀੜ ਹੋ ਗਈ ਹੈ। ਇਮੀਗ੍ਰੇਸ਼ਨ ਮੰਤਰੀ ਡੋਮਿਨ ਗਰੀਨ ਦਾ ਕਹਿਣਾ ਹੈ ਕਿ ਯੂ. ਕੇ. ਵਿਚ ਅਵਾਸ ਬਹੁਤ ਜ਼ਿਆਦਾ ਹੈ, ਇਸੇ ਲਈ ਅਸੀਂ ਪ੍ਰਵਾਸੀਆਂ ਦੀ ਗਿਣਤੀ ਘਟਾਉਣ ਲਈ ਨਵੀਂਆਂ ਤਬਦੀਲੀਆਂ ਲਿਆ ਰਹੇ ਹਾਂ।

ਅੰਗਰੇਜ਼ੀ ਅਖਬਾਰ ‘ਦਿ ਸੰਨ‘ ਨੇ ਲਿਖਿਆ ‘ਸਲਮਡਾਗ ਸਾਊਥਾਲ‘
ਲੰਡਨ-ਸਾਊਥਾਲ ਵਿਚ ਆਏ ਦਿਨ ਵਿਦੇਸ਼ੀ ਖਾਸ ਤੌਰ ‘ਤੇ ਜਿਨ੍ਹਾਂ ਵਿਚ ਪੰਜਾਬੀ ਲੋਕ ਜ਼ਿਆਦਾ ਹਨ ਦਾ ਆਉਣਾ ਜਾਣਾ ਹੁੰਦਾ ਰਹਿੰਦਾ ਹੈ। ਆਏ ਦਿਨ ਸਾਊਥਾਲ ਅਤੇ ਆਸ ਪਾਸ ਦੇ ਇਲਾਕੇ ਵਿਚ ਪੈਣ ਵਾਲੇ ਛਾਪਿਆਂ ਵਿਚ ਵੱਡੀ ਗਿਣਤੀ ਵਿਚ ਜਾਅਲੀ ਲੋਕਾਂ ਨੂੰ ਫੜਿਆ ਜਾ ਚੁੱਕਾ ਹੈ, ਕਈਆਂ ਨੂੰ ਵਾਪਸ ਦੇਸ ਭੇਜ ਦਿੱਤਾ ਜਾਂਦਾ ਹੈ ਅਤੇ ਕਈਆਂ ਨੂੰ ਜੇਲ੍ਹਾਂ ਥਾਣਿਆਂ ਦੀ ਹਵਾ ਖਾਣੀ ਪੈਂਦੀ ਹੈ। ਗੈਰ ਕਾਨੂੰਨੀ ਢੰਗ ਨਾਲ ਆਏ ਲੋਕਾਂ ਤੋਂ ਕੰਮ ਕਰਵਾਉਣ ਵਾਲਿਆਂ ਨੂੰ ਵੀ ਵੱਡੇ-ਵੱਡੇ ਯੂ. ਕੇ. ਬਾਰਡਰ ਏਜੰਸੀ ਵੱਲੋਂ ਜੁਰਮਾਨੇ ਵੀ ਠੋਕੇ ਗਏ ਹਨ। ਇਹ ਸਿਲਸਿਲਾ ਅਜੇ ਜਾਰੀ ਹੀ ਸੀ ਕਿ ਇਥੋਂ ਦੀ ਅੰਗਰੇਜ਼ੀ ਅਖਬਾਰ ਦਿ ਸੰਨ ਨੇ ਇਕ ਹੋਰ ਪਰਦਾ ਉਘੇੜਦਿਆਂ ਕੁਝ ਲੋਕਾਂ ਵੱਲੋਂ ਗੈਰ ਕਾਨੂੰਨੀ ਢੰਗ ਨਾਲ ਘਰਾਂ ਦੇ ਪਿਛਵਾੜਿਆਂ ਨੂੰ ਛੱਤ ਕੇ ਕਿਰਾਏ ‘ਤੇ ਦੇਣ ਦੇ ਕੰਮ ਦਾ ਪਰਦਾ ਫਾਸ਼ ਕੀਤਾ ਹੈ। ਜਿਸ ਬਾਰੇ ਪੰਜਾਬ ਤੋਂ ਆਏ ਇਕ ਸੁਖਵਿੰਦਰ ਸਿੰਘ ਨਾਮੀ ਵਿਅਕਤੀ ਦਾ ਕਹਿਣਾ ਹੈ ਕਿ ਉਹ ਸਾਊਥਾਲ ਗਰੀਨ ਦੇ ਇਕ ਘਰ ਵਿਚ ਬਣੇ ਸ਼ੱੈਡ ਵਿਚ ਆਪਣੇ ਤਿੰਨ ਹੋਰ ਸਾਥੀਆਂ ਨਾਲ ਰਹਿੰਦਾ ਹੈ ਅਤੇ ਮਹੀਨੇ ਦੇ 500 ਪੌਂਡ ਕਿਰਾਇਆ ਦਿੰਦਾ ਹੈ।

Read more...

ਸਿੱਖ ਮਸਲਿਆਂ ਸਬੰਧੀ ਖੁੱਲ੍ਹੀ ਵਿਚਾਰ-ਚਰਚਾ

ਸਿੱਖ ਫੈਡਰੇਸ਼ਨ ਯੂ. ਕੇ. ਵੱਲੋਂ ਕਰਵਾਈ ਇਕੱਤਰਤਾ ਮੌਕੇ ਸੰਬੋਧਨ ਕਰਦੇ ਹੋਏ ਸਿੱਖ ਫੈਡਰੇਸ਼ਨ ਯੂ. ਕੇ. ਦੇ ਆਗੂ ਅਤੇ ਇਕੱਤਰਤਾ ‘ਚ ਹਾਜ਼ਰ ਲੈਸਟਰ ਸ਼ਹਿਰ ਦੀਆਂ ਪ੍ਰਮੁੱਖ ਹਸਤੀਆਂ।
ਲੈਸਟਰ-ਸਿੱਖ ਫੈਡਰੇਸ਼ਨ ਯੂ. ਕੇ. ਵੱਲੋਂ ਲੈਸਟਰ ਵਿਖੇ ਇਕ ਭਾਰੀ ਇਕੱਤਰਤਾ ਕੀਤੀ ਗਈ, ਜਿਸ ਵਿਚ ਵੱਖ-ਵੱਖ ਸਿੱਖ ਫੈਡਰੇਸ਼ਨ ਦੇ ਆਗੂਆਂ ਸ: ਅਮਰੀਕ ਸਿੰਘ ਗਿੱਲ, ਕੁਲਦੀਪ ਸਿੰਘ ਚਹੇੜੂ ਸਮੇਤ ਬਹੁਤ ਸਾਰੇ ਸਿੱਖ ਆਗੂਆਂ ਨੇ ਭਾਗ ਲਿਆ। ਇਸ ਇਕੱਤਰਤਾ ਨੂੰ ਸੰਬੋਧਨ ਕਰਦਿਆਂ ਸਿੱਖ ਫੈਡਰੇਸ਼ਨ ਯੂ. ਕੇ. ਦੇ ਵੱਖ-ਵੱਖ ਆਗੂਆਂ ਨੇ ਪ੍ਰੋ: ਦਵਿੰਦਰਪਾਲ ਸਿੰਘ ਭੁੱਲਰ ਦੀ ਰਿਹਾਈ ਲਈ ‘ਅਨੰਦ ਮੈਰਿਜ ਐਕਟ‘ ਅਤੇ ਹੋਰ ਸਿੱਖ ਮਸਲਿਆਂ ਸਬੰਧੀ ਇਕਜੁੱਟ ਹੋ ਕੇ ਆਵਾਜ਼ ਬੁਲੰਦ ਕਰਨ ਦੀ ਅਪੀਲ ਕੀਤੀ। ਇਸ ਮੌਕੇ ਸਿੱਖ ਫੈਡਰੇਸ਼ਨ ਯੂ. ਕੇ. ਵੱਲੋਂ ਨਵ-ਗਠਿਤ ਕੀਤੀ ਗਈ ਸਿੱਖ ਨੌਜਵਾਨਾਂ ਦੀ ਇਕ ਕਮੇਟੀ ਬਾਰੇ ਵੀ ਵਿਸਥਾਰ ਸਹਿਤ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਇਕੱਤਰਤਾ ‘ਚ ਹਾਜ਼ਰ ਸਿੱਖ ਆਗੂਆਂ ਅਤੇ ਸਿੱਖ ਫੈਡਰੇਸ਼ਨ ਦੇ ਆਗੂਆਂ ਦਰਮਿਆਨ

Read more...

ਲੈਸਟਰ:- ਜਿੱਥੇ ਪੰਜਾਬ ਵਿੱਚ ਇਤਿਹਾਸਕ ਅਸਥਾਨਾਂ ਖਾਸ ਕਰਕੇ ਸ੍ਰੀ ਅਕਾਲ ਤਖਤ ਸਾਹਿਬ, ਅੰਮ੍ਰਿਤਸਰ ਤੋਂ ਸ਼ਹੀਦ ਭਾਈ ਹਰਜਿੰਦਰ ਸਿੰਘ ਜਿੰਦਾ ਅਤੇ ਸ਼ਹੀਦ ਭਾਈ ਸੁਖਦੇਵ ਸਿੰਘ ਸੁੱਖਾ ਦੀ ਅਦੁੱਤੀ ਸ਼ਹੀਦੀ ਨੂੰ ਸਮਰਪਿਤ ਅਰਦਾਸ ਕਰਕੇ ਥਾਂ ਥਾਂ ਇਹਨਾਂ ਦੀ ਸ਼ਹੀਦੀ ਨੂੰ ਸਿਜ਼ਦਾ ਕੀਤਾ ਗਿਆ, ਉਥੇ ਇੰਗਲੈਂਡ ਵਿਖੇ ਥਾਂ-ਥਾਂ ਗੁਰਦੁਆਰਿਆਂ ਵਿੱਚ 9 ਅਕੂਤਬਰ 1992 ਨੂੰ ਫਾਂਸੀ ਦੇ ਹੱਸ ਹੱਸ ਕੇ ਰੱਸੇ ਚੁੰਮਣ ਵਾਲੇ ਬਹਾਦਰ ਜਾਂਬਾਜ਼ ਸੂਰਮੇ ‘ਸੁੱਖਾ-ਜ਼ਿੰਦਾ‘ ਦੀ ਮਹਾਨ ਕੁਰਬਾਨੀ ਨੂੰ ਆਪਣੇ ਹਿਰਦਿਆਂ ਦੀ ਧੁਰ ਡੂੰਘਾਈ ਤੋਂ ਯਾਦ ਕਰਦੇ ਹੋਏ, ਉਹਨਾਂ ਦੇ ਕੀਤੇ ਕਾਰਨਾਮਿਆਂ ਨੂੰ ਦੁਹਰਾਇਆ ਗਿਆ ਅਤੇ ਪ੍ਰਣ ਕੀਤਾ ਗਿਆ ਕਿ ਅਸੀਂ ਵੀ ਕੁੱਝ ਨਾ ਕੁੱਝ ਆਪਣੀ ਜ਼ਿੰਦਗੀ ਦਾ ਹਿੱਸਾ ਕੌਮ ਦੇ ਹਿੱਤ ਲਈ ਲਾ ਸਕੀਏ। ਇਹ ਮਹਾਨ ਸ਼ਹੀਦੀ ਦਿਹਾੜਾ ਲੈਸਟਰ ਦੇ ਪਹਿਲੇ ਗੁਰ ਘਰ ਗੁਰੂ ਨਾਨਕ ਗੁਰਦੁਆਰਾ ਹੌਲੀ ਬੌਨਜ਼ ਦੇ ਪ੍ਰਬੰਧਕਾਂ ਦੇ ਉਪਰਾਲੇ ਨਾਲ ਸਿੱਖ ਫੈਡਰੇਸ਼ਨ ਯੂ.ਕੇ. ਅਤੇ ਯੂਨਾਈਟਿਡ ਖਾਲਸਾ ਦਲ ਵੱਲੋਂ ਵੱਡੀ ਪੱਧਰ ਤੇ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਰਖਾ ਕੇ, ਉਪਰੰਤ ਭਾਰੀ ਦਿਵਾਨ ਸਜਾ ਕੇ ਮਾਨਇਆ ਗਿਆ। ਇਸੇ ਤਰ੍ਹਾਂ ਹੀ ਗੁਰੂ ਨਾਨਕ ਗੁਰਦੁਆਰਾ ਵਿਲਨਹਾਲ ਵਿਖੇ ਬ੍ਰਿਟਿਸ਼ ਸਿੱਖ ਕੌਂਸਲ ਵੱਲੋਂ ਇਹ ਸ਼ਹੀਦੀ ਦਿਹਾੜਾਂ ਚੜ੍ਹਦੀ ਕਲਾ ਵਿੱਚ ਮਨਾਇਆ ਗਿਆ। ਨਿਊਕੈਸਲ ਤੋਂ ਸ. ਜਰਨੈਲ ਸਿੰਘ ਮੱਲ੍ਹੀ ਹੁਰਾਂ ਦੱਸਿਆ ਕਿ ਸਿੰਘ ਸਭਾਂ

Read more...

ਪਾਰਟੀ ਦੀ ਸਾਲ਼ਾਨਾ ਕਾਨਫਰੰਸ ਵਿੱਚ ਹਜਾਰਾਂ ਸੰਗਤਾਂ ਨੇ ਹਾਜਰੀ ਲ਼ਵਾਈ
ਸੰਸਾਰ ਪੱਧਰ ਤੇ ਹੋਵੇਗਾ ਪਾਰਟੀ ਢਾਂਚੇ ਦਾ ਵਿਸਥਾਰ
ਵੱਖ ਵੱਖ ਰਾਜਸੀ ਪਾਰਟੀਆਂ ਦੇ ਆਗੂਆਂ ਨੇ ਸੰਬੋਧਨ ਕੀਤਾ
ਵੁਲ਼ਵਰਹੈਂਪਟਨ-ਸਿੱਖ ਕੌਮ ਦੀ ਰਾਜਸੀ ਅਜ਼ਾਦੀ ਲ਼ਈ ਜਮਹੂਰੀ ਢੰਗ ਨਾਲ਼ ਸੰਘਰਸ਼ ਕਰ ਰਹੀ ਇੰਗਲ਼ੈਂਡ ਦੀ ਪ੍ਰਮੁੱਖ ਸਿੱਖ ਸਿਆਸੀ ਜਥੇਬੰਦੀ ਸਿੱਖ ਫੈਡਰੇਸ਼ਨ ਯੂ.ਕੇ. ਨੇ ਅਜ਼ਾਦੀ ਦੇ ਇਸ ਸੰਘਰਸ਼ ਨੂੰ ਕੌਮਾਂਤਰੀ ਰਾਜਸੀ ਮੰਚ ਤੱਕ ਲ਼ੈ ਜਾਣ ਦਾ ਐਲ਼ਾਨ ਕੀਤਾ ਹੈ। ਵੁਲ਼ਵਰਹੈਂਪਟਨ ਦੇ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਾਹਿਬ ਵਿਖੇ ਹੋਈ ਪਾਰਟੀ ਦੀ ਸਾਲ਼ਾਨਾ ਕਨਵੈਨਸ਼ਨ ਮੌਕੇ ਇਹ ਐਲ਼ਾਨ ਸਿੱਖ ਫੈਡਰੇਸ਼ਨ ਯੂ.ਕੇ. ਦੇ ਚੇਅਰਮੈਨ ਭਾਈ ਅਮਰੀਕ ਸਿੰਘ ਗਿੱਲ਼ ਨੇ ਕੀਤਾ। ਹਜਾਰਾਂ ਸੰਗਤਾਂ ਦੇ ਠਾਠਾਂ ਮਾਰਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਭਾਈ ਅਮਰੀਕ ਸਿੰਘ ਗਿੱਲ਼ ਨੇ ਆਖਿਆ ਕਿ ਸਿੱਖ ਮਸਲ਼ਿਆਂ ਨੂੰ ਇੱਕ ਪ੍ਰਤੀਬੱਧ ਟੀਮ ਦੇ ਤੌਰ ਤੇ ਪੇਸ਼ ਕਰਨ ਲ਼ਈ ਸਿੱਖ ਫੈਡਰੇਸ਼ਨ ਯੂ.ਕੇ. ਦਾ ਕੌਮਾਂਤਰੀ ਪੱਧਰ ਤੇ ਵਿਸਥਾਰ ਕੀਤਾ ਜਾ ਰਿਹਾ ਹੈ।
ਸਿੱਖ ਫੈਡਰੇਸ਼ਨ ਯੂ.ਕੇ. ਦੀ ਸਾਲ਼ਾਨਾ ਕਨਵੈਨਸ਼ਨ ਪਾਰਟੀ ਦੀਆਂ ਸਰਗਰਮੀਆਂ ਦਾ ਕੇਂਦਰ ਹੁੰਦੀ ਹੈ ਜਿਸ ਵਿੱਚ ਸਿੱਖ ਫੈਡਰੇਸ਼ਨ ਯੂ.ਕੇ. ਹਰ ਸਾਲ਼ ਆਪਣੇ ਪਿਛਲ਼ੇ ਸਾਲ਼ ਦੇ ਕੀਤੇ ਕੰਮਾਂ ਦੀ ਜਾਣਕਾਰੀ ਸੰਗਤਾਂ ਨੂੰ ਦੇਂਦੀ ਹੈ ਅਤੇ ਅਗਲ਼ੇ ਸਾਲ਼ ਕੀਤੇ ਜਾਣ ਵਾਲ਼ੇ ਕੰਮਾਂ ਬਾਰੇ ਵੀ ਸੰਗਤਾਂ ਨੂੰ ਦੱਸਿਆ ਜਾਂਦਾ ਹੈ। ਇਸ ਵਾਰ ੧੮ ਸਤੰਬਰ ਨੂੰ ਹਮੇਸ਼ਾਂ ਦੀ ਤਰਾਂ੍ਹ ਇਹ ਕਾਨਫਰੰਸ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸੈਜਲ਼ੀ ਸਟਰੀਟ ਵੁਲ਼ਵਰਹੈਂਪਟਨ ਵਿਖੇ ਕਰਵਾਈ ਗਈ। ਇਸ ਸਬੰਧੀ ਰਖਵਾਏ ਗਏ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਤੋਂ ਬਾਅਦ ਗੁਰੂਘਰ ਦੇ ਬੱਚਿਆਂ ਨੇ ਰਸਭਿੰਨਾ ਕੀਰਤਨ ਕਰਕੇ ਕਾਨਫਰੰਸ ਦੀ ਅਰੰਭਤਾ ਕੀਤੀ।
ਸਟੇਜ ਸਕੱਤਰ ਦੀ ਸੇਵਾ ਨਿਭਾ ਰਹੇ ਸਿੱਖ ਫੈਡਰੇਸ਼ਨ ਯੂ.ਕੇ. ਦੇ ਜਨਰਲ਼ ਸਕੱਤਰ

Read more...

ਲੰਡਨ-ਸ਼੍ਰੋਮਣੀ ਕਮੇਟੀ ਸਿੱਖਾਂ ਦੀ ਪਾਰਲੀਮੈਂਟ ਵਜੋਂ ਜਾਣੀ ਜਾਂਦੀ ਹੈ ਅਤੇ ਇਸ ਦੀ ਸੰਭਾਲ ਦਾ ਹੱਕ ਸਿਰਫ਼ ਸਿੱਖੀ ਸੋਚ ਵਾਲੇ ਉਮੀਦਵਾਰਾਂ ਨੂੰ ਹੀ ਹੈ। ਸੋ ਸੰਗਤਾਂ ਸਿੱਖ ਸੋਚ ਨੂੰ ਸਮਰਪਿਤ ਉਮੀਦਵਾਰਾਂ ਨੂੰ ਹੀ ਵੋਟਾਂ ਪਾਉਣ ਇਹ ਵਿਚਾਰ ਸਿੱਖ ਫੈਡਰੇਸ਼ਨ ਯੂ. ਕੇ. ਭਾਈ ਅਮਰੀਕ ਸਿੰਘ ਗਿੱਲ, ਭਾਈ ਦਵਿੰਦਰਜੀਤ ਸਿੰਘ ਸਿੱਧੂ, ਭਾਈ ਗੁਰਜੀਤ ਸਿੰਘ, ਭਾਈ ਕੁਲਦੀਪ ਸਿੰਘ ਚਹੇੜੂ ਤੇ ਨਰਿੰਦਰਜੀਤ ਸਿੰਘ ਥਾਂਦੀ ਆਦਿ ਨੇ ਪ੍ਰਗਟ ਕੀਤੇ। ਭਾਈ ਗਿੱਲ ਅਤੇ ਭਾਈ ਚਹੇੜੂ ਨੇ ਕਿਹਾ ਕਿ ਸਰਕਾਰ ਵੱਲੋਂ ਅਨੰਦ ਵਿਆਹ ਐਕਟ ਨੂੰ ਰੱਦ ਕੀਤੇ ਜਾਣਾ ਸਿੱਖਾਂ ਨਾਲ ਬੇਇਨਸਾਫ਼ੀ ਹੈ। ਕੇਂਦਰ ਸਰਕਾਰ ਦੀ ਸਖ਼ਤ ਆਲੋਚਨਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਕੇਂਦਰ ਵੱਲੋਂ ਸਿੱਖਾਂ ਨਾਲ ਹਮੇਸ਼ਾ ਬੇਇਨਸਾਫ਼ੀ ਹੁੰਦੀ ਰਹੀ ਹੈ, ਸਿੱਖ ਵੱਖਰੀ ਕੌਮ ਹੈ, ਇਸ ਦੇ ਧਾਰਮਿਕ ਰੀਤੀ ਰਿਵਾਜ ਵੀ ਵੱਖਰੇ ਹਨ, ਜਿਸ ਅਨੁਸਾਰ ਅਨੰਦ ਵਿਆਹ ਐਕਟ ਜੋ 1909 ਵਿਚ ਲਾਗੂ ਹੋਇਆ ਸੀ, ਨੂੰ ਮੁੜ ਲਾਗੂ ਕਰਨਾ ਚਾਹੀਦਾ ਹੈ।