Share this post

ਜਲੰਧਰ ਦੇ ਮਿੱਠਾਪੁਰ ਖੇਤਰ ’ਚ ਸਮੈਕ ਦੇ ਆਦੀ ਨੌਜਵਾਨ ਸਮੈਕ ਪੀਂਦੇ ਹੋਏ।
ਜਲੰਧਰ-ਸ਼ਹਿਰ ’ਚ ਧੜੱਲੇ ਨਾਲ ਵਿਕ ਰਹੀ ਸਮੈਕ ਨੇ ਲੋਕਾਂ ਦੇ

ਸਾਹ ਸੂਤ ਕੇ ਰੱਖ ਦਿੱਤੇ ਹਨ ਪਰ ਪੁਲਿਸ ਨਸ਼ਾ ਵੇਚਣ ਵਾਲਿਆਂ ਨੂੰ ਫੜਨ ਦੀ ਬਜਾਏ ਉਨ੍ਹਾਂ ਤੋਂ ਟਾਲਾ ਵੱਟਦੀ ਨਜ਼ਰ ਆ ਰਹੀ ਹੈ। ਆਖਿਰ ਜਨਤਾ ਜਾਨਣਾ ਚਾਹੁੰਦੀ ਹੈ ਕਿ ਨਸ਼ਿਆਂ ਦੇ ਸੌਦਾਗਰਾਂ ਨੂੰ ਨਾ ਫੜਨਾ ਪੁਲਿਸ ਦੀ ਕੀ ਮਜ਼ਬੂਰੀ ਏ? ਉਸ ਦੇ ਅਵੇਸਲੇ ਵਤੀਰੇ ਕਰਕੇ ਲੱਖਾਂ ਨੌਜਵਾਨਾਂ ਦੀ ਜ਼ਿੰਦਗੀਆਂ ਮੌਤ ਦੇ ਮੂੰਹ ਪੈ ਰਹੀਆਂ ਹਨ ਅਤੇ ਨਸ਼ਿਆਂ ਦੇ ਵਪਾਰੀਆਂ ਤੋਂ ਜਾਣੂ ਹੋਣ ਦੇ ਬਾਵਜੂਦ ਅਵੇਸਲੇ ਬਨਣ ਕਰਕੇ ਪੁਲਿਸ ਅਤੇ ਵਪਾਰੀਆਂ ਦੀ ਮਿਲੀਭੁਗਤ ਤੋਂ ਇਨਕਾਰ ਨਹੀ ਕੀਤਾ ਜਾ ਸਕਦਾ ਪਰ ਜਦੋਂ ਕਿਸੇ ਸਾਫ ਅਕਸ ਵਾਲੇ ਅਧਿਕਾਰੀ ਵੱਲੋਂ ਸ਼ਿਕੰਜਾ ਕੱਸਿਆ ਜਾਂਦਾ ਹੈ ਤਾਂ ਥਾਣਾ ਮੁਖੀ ਇਸ ਦੀਆਂ ਮਾਮੂਲੀ ਸ਼ਖਾਵਾਂ ਨੂੰ ਤੋੜ ਕੇ ਪੱਲਾ ਝਾੜ ਲੈਂਦੇ ਹਨ ਜਦਕਿ ਉਨ੍ਹਾਂ ਵੱਲੋਂ ਇਸ ਦੇ ਸਰਗਨਾ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਜਾਂਦੀ। ਜਿਸ ਕਰਕੇ ਵੱਡੇ ਵਪਾਰੀ ਕਾਰੋਬਾਰ ਨੂੰ ਲਗਾਤਾਰ ਵਧਾਉਦੇ ਹੋਏ ਨੌਜਵਾਨਾਂ ਨੂੰ ਆਪਣੇ ਜਾਲ ’ਚ ਫਸਾਉਣ ਲਈ ਕਾਮਯਾਬ ਹੋ ਰਹੇ ਹਨ ਅਤੇ ਉਨ੍ਹਾਂ ਵੱਲੋਂ ਲਿਆਂਦੀ ਸਮੈਕ ਦੀ ਵੱਡੀ ਖੇਪ ਨੂੰ ਕਾਜ਼ੀ ਮੰਡੀ, ਮੰਗੂ ਬਸਤੀ, ਮਾਡਲ ਟਾਊਨ ਡੇਅਰੀਆਂ, ਮਿੱਠਾਪੁਰ, ਗਰੀਨ ਵੁੱਡ ਕਾਲੋਨੀ, ਸੁਦਾਮਾ ਵਿਹਾਰ, ਕੁੱਕੀ ਢਾਬ, ਫੋਕਲ ਪੁਆਇੰਟ, ਨੰਦਨਪੁਰ, ਮਕਸੂਦਾਂ, ਪੰਜਾਬ ਪੈਲੇਸ ਨੇੜੇ ਅਤੇ ਬਸਤੀਆਂ ਆਦਿ ਇਲਾਕਿਆ ’ਚ ਤਿੰਨ, ਪੰਜ ਅਤੇ ਹਜ਼ਾਰ ਰੁਪਏ ਦੀਆਂ ਪੁੜੀਆਂ ’ਚ ਤਬਦੀਲ ਕਰਕੇ ਵੇਚ ਦਿੱਤਾ ਜਾਂਦਾ ਹੈ। ਮਕਸੂਦਾਂ ਅਤੇ ਇਸ ਦੇ ਆਸ-ਪਾਸ ਦੇ ਪਿੰਡ ਵਾਸੀਆਂ ਨੇ ਸਮੈਕ ਦਾ ਧੰਦਾ ਕਰਨ ਵਾਲਿਆਂ ਨੂੰ ਠੱਲ੍ਹ ਪਾਉਣ ਲਈ ਸਬੰਧਿਤ ਥਾਣੇ ਦੇ ਮੁਖੀ ਤੱਕ ਪਹੁੰਚ ਵੀ ਕੀਤੀ ਪਰ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਸਫਲ ਨਹੀ ਹੋ ਸਕੀਆਂ। ਸ਼ੁਰੂ ’ਚ ਨਸ਼ਾ ਕਰਨ ਵਾਲੇ ਨੌਜਵਾਨ ਗੋਲੀਆਂ, ਟੀਕਿਆਂ ਅਤੇ ਚੂਰਾ ਪੋਸਤ ਦਾ ਇਸਤੇਮਾਲ ਕਰਦੇ ਸਨ ਪਰ ਪੁਲਿਸ ਦੀ ਢਿੱਲੀ ਕਾਰਗੁਜ਼ਾਰੀ ਕਰਕੇ ਨਸ਼ੇੜੀਆਂ ਨੂੰ ਜਾਨ-ਲੇਵਾ ਨਸ਼ਾ ਸਮੈਕ ਤੱਕ ਪਹੁੰਚਣ ਲਈ ਦੇਰ ਨਹੀ ਲੱਗੀ ਅਤੇ ਜੇਕਰ ਇਸ ਨੂੰ ਇਥੇ ਠੱਲ੍ਹ ਨਾ ਪਾਈ ਗਈ ਤਾਂ ਉਹ ਦਿਨ ਦੂਰ ਨਹੀ ਜਦੋਂ ਇਹ ਨੌਜਵਾਨ ਪੀੜ੍ਹੀ ਨੂੰ ਬਰਬਾਦ ਕਰ ਦੇਵੇਗੀ।

• < Prev
• Next >